Olbmot, geain leat fuolahusbarggut ruovttus, sáhttet ohcat orrunsaji buhcciidruovttus oanehit áigái hávil, dasa gean fuolaha, nugohčoduvvon duddenorruma.

Geat adde divššu ja fuolahusa ja geain lea erenoamáš losses fuolahusbargu.

Sus gii oažžu duddema, lea erenoamáš losses fuolahusbargu ruovttus. Ákkat mat sáhttet dohkkehuvvot leat ee. ahte ohccis mannet olu diimmut mánnosaččat fuolahusbargui, jus barggut leat losibut go dábálaččat ja jus mielddisbuktá ahte ii bálle olles ijaid oađđit dehe sosiálalaččat isolerejuvvo.

Suohkan ii sáhte gáibidit mávssu duddenfálaldaga ovddas.

Hjelpetilbud i kommunen
Pasienta ja dulka. Dulkon dearvvašvuođabálvalusas

Suohkan lea geatnegahtton doalahit dán bálvalusa, geahča dearvvašvuođa- ja fuolahusbálvaluslága § 3-2.

Forvaltningsloven
Helse- og omsorgstjenesteloven
Kvalitetsforskrift for pleie- og omsorgstjenestene
Verdighetsgarantiforskriften

Ii leat gáibádus ahte ohcan galgá leat čálalaččat. Sáhttá ohcat telefovnna bokte maid.

Suohkan galgá háhkat daid dieđuid maid dárbbaha vai sáhttá mearridit ášši. Dábálaččat fitnet guossis. Dasto dahkko mearrádus dan áššis. Dábálaččat oaččut mearrádusa oktan ákkastallamiin, jus sáhttá jurddahit ahte it šatta duhtavaš vástádusain. Jus ákkastallan ii čuovo mielde, de sáhtát dan oažžut jus válddát oktavuođa suohkaniin ovdal go áigemearri dievvá.

Suohkan galgá meannudit ášši nu jođánit go vejolaš.  Jus ášši ii sáhte meannuduvvot mánu sisa, de galggat oažžut čálalaš dieđu dan birra oktan ákkain manne lea maŋiduvvon. Galgá seammás dieđihuvvot goas jáhkket ášši mearriduvvot.

Sihke fuolaheaddji ja son guhte dárbbaša veahki, sáhttá váidit mearrádusa. Sáhtát váidit suohkanii áigemeari siskkobealde, mii lea golbma vahku dan rájes go ožžot mearrádusreivve. Čilge mainna leat duhtatmeahttun ja manne oaivvildat ahte mearrádusa ferte rievdadit. Jus dárbbahat bagadallama de váldde oktavuođa suohkaniin. Jus suohkan doalaha mearrádusas de sáddejuvvo ášši viidáset Fylkkamánnii, guhte dasto mearrida galgá go váldit vuhtii váidaga.